Googlenyň saglyk barlagyna gönükdirilen platformasy Google Health 2 sany emeli intellekt goldawly taslamanyň üstünde işleýär. Taslamalaryň biriniň, smartfonlar arkaly ulanyjylaryň göz kesellerini ýüze çykarmagy maksat edinýändigi mälim edildi. Ikinji taslamanyň çäginde Google Health -yň ýürek urmasynyň tertipsizligini kesgitlejekdigi aýdylýar.
Birinji taslama, gözüň kemçiliklerini ýüze çykarmak üçin smartfonda göz suratlaryny ulanmagy maksat edinýär. Bu nukdaýnazardan, Google-yň şu wagta çenli süýji keseliniň keselini anyklamak üçin 10 müň hassany gözden geçirendigi aýdylýar. Kompaniýanyň häzirki wagtda şuňa meňzeş taslamanyň ‘R&D’ tapgyrynda durýandygy hem mälimdir. Bu taslama, emeli intellektiň adamyň gözüniň smartfon suratyndan diýabetik we diýabetik däl keselleri ýüze çykaryp biljekdigini öwrenýär.
Tehnologiýa Giganty , emeli intellektiň çuňňur öwreniş algoritmleriniň gözüň içki keşbini gözden geçirip, ýokary gan şekeri we holesteriniň derejesi ýaly kardiýo risk faktorlaryny ýüze çykarmaga kömek edip biljekdigini aýdýar.
GOOGLE ÝÜREK URMASYNYŇ TERTİPSİZLİGİNİ KESGITLEMEGI HEM MEÝILLEŞDIRÝÄR
Ikinji taslamanyň çäginde Google Health ýürek urmasynyň tertipsizligini ýüze çykarmagy maksat edinýär. Kompaniýanyň ozal telefon datçiklerini mehaniki öwrenmek tehnologiýasy bilen birleşdirip, ulanyjynyň ýürek urşy we dem alyş tizligi ýaly saglyk maglumatlary anyklamagy başarandygy mälimdir.
Tehnologiýa ägirdi soňky çykyşynda smartfony döşüne ýerleşdirip, içindäki mikrofonlaryň üsti bilen ýürek urmasynyň sesini ýazga almagy maksat edinýän täze taslamany yglan etdi. Taslamanyň, ýürek urgusyny takyk kesgitlemek üçin telefonlaryň ulanylyp bilinjegi ýa-da ulanyp bolmajakdygyna ünsi jemlemelidigi aýdylýar.