«ixbt.com» internet neşiriniň habar bermegine görä, «Microsoft» kompaniýasy soňky 30 ýylda ilkinji gezek standart klawiaturasyna üýtgeşme girizdi. Bu täzelik kompaniýanyň ýerine ýetiriji wise-prezidenti we marketing boýunça direktory Ýusuf Mehdi tarapyndan yglan edildi. Indi täze noutbuklarda hem-de klawiaturalarda emeli aň kömekçisini çagyrýan «Copilot» düwmesi peýda boldy.
Ýeri gelende bellesek, standart klawiaturalara «Copilot» düwmesiniň goşulmagy diňe bir adamlaryň kompýuter ulanmagyny aňsatlaşdyrmak bilen çäklenmän, eýsem, bu işiň netijeliligini gazanmakda özboluşly ädim bolar. Bu mümkinçiligiň emeli aň dünýäsine giriş nokadyna öwrülmegine garaşylýar.
2024-nji ýylda «Windows 12-niň» hödürlenjekdigi hakyndaky hoş habar dünýä jemgyýetçiliginde gyzyklanma döretdi.