Telefon jaňlaryndan tapawutlylykda, käbir sebäplere görä wideo jaňlarynda has ýokary sesli gürleýäris. Munuň sebäbini pikir edip gördüňizmi? Gollandiýaly alymlar şonuň sebäbi bilen gyzyklanypdyrlar.
Gollandiýanyň Radbound uniwersitetiniň gözlegçileri soňky ýyllarda durmuşymyzda meşhur bolan wideo jaňlary baradaky gyzykly soraga jogap gözlediler. Näme üçin wideo söhbetdeşliklerde gygyrýarys?
Guardian gazetindäki habara görä, wideo jaňlary wagtynda has güýçli gürleşmegimiziň sebäbi, wideo hiliniň ýaramazlaşmagy we öwezini dolmak üçin sesimizi çykarmaga synanyşmagymyzdyr. Şeýle hem şekiliň hiliniň ýaramazlaşmagy bilen el hereketlerimizi üýtgedýäris.
“Royal Society Open Science” jurnalynda çap edilen gözlegde alymlar 20 jübüt gatnaşyjynyň arasyndaky wideo jaňlaryny seljerýändiklerini habar berdiler. Gatnaşanlaryň her jübüti aýratyn otaglarda oturdylar we 40 minutlap Zoom ýaly wideo jaňynyň üsti bilen tötänleýin ýagdaýda söhbet etdiler.
Wideo söhbetleriň dowamynda wideonyň hili gaty gowy bilen has bulanyk arasyny 10 basgançakda üýtgedildi , jübütleriň ýarysy wideo hiliniň gowulaşandygyny we jaňyň dowamynda ýarysynyň ýaramazlaşýandygyny gördi. Söhbetdeşlik wagtynda, her ädimiň wideo hili iki gatnaşyjy üçin deň boldy.
Wideo hili ýaramazlaşanda, gatnaşyjylaryň ilki bilen elleriniň we bedeniniň hereketleriniň azalandygy, ýöne hiliň has ýaramazlaşmagy bilen has köp hereket edendigi aýan edildi.
Internetiniz we wideo jaň hili pes bolsa, yşaratlaryňyzy ulanyň.
Gözlegiň başlygy Dr. Jeýms Trujillo, yşaratlary ulanmak erbet zat däl diýip pikir edýär. “Gepleýänimizde edýän yşaratlarymyz we ýüz aňlatmalar ýaly beýleki wizual yşaratlarymyz , hakykatdanam aragatnaşyk saklamagyň möhüm we aýrylmaz taraplarydyr. Wideo jaň size erbet şekil berýän bolsa, sözüňizi we yşaratlaryňyzy ulanmagy ýatdan çykarmaň.
Trujillo: ses ýa-da wideo baglanyşygynyň pesligi ýaly haýsydyr bir sebäbe görä aragatnaşygymyz kesilip başlasa sesimize we hereketlerimize has köp güýç sarp etmek meýli bar” -diýdi.